узгадваеш іх узоры (life’s a blur)

я іду і дышу
а калі не дышу, дык гэта не я

я жыву і гляджу
ты глядзі, і пабачыш таксама пасля

ты глядзі як скачуць голубі з неба ўніз
ты глядзі на карніз

ты глядзі як сонца з’ядналася з выспай
і зоркі як дробкі высыпалі

ты глядзі як голубі дробкі ўнізе дзяўбуць
і дыхай як-небудзь

ты глядзі як белага каліва знікае ў вадзе
і дождж стаіць і не йдзе

…ты глядзіш як неба сыплецца на цябе
а калі сонца з’ядалася морам
прачынаесся ад сонца
робіш тры крокі
вылазіш з сукенкі
і ў мора

ты глядзіш як зоркі свецяцца на ілбе
а калі засынаеш
узгадваеш іх узоры

узгадваеш іх узоры калі маўчыш
узгадваеш іх узоры каля крыла

я жыву і гляджу як ты спіш і сніш
ты глядзі
і пабачыш таксама мяне пасля

life’s a blur

Добавить комментарий

Ваш e-mail не будет опубликован. Обязательные поля помечены *